Wednesday, August 12, 2015

Sedikit raso gelisah malam ni

Aku ni bukan pujanggo jadi idak tau nak ngomong apo. Idak tau jugo mau merangkai kato cak mano. Cuma biso ngeluarin penat sampai sebatas ini bae. Kalau tiap hari rasonyo ado duo aku yang berseberangan. Sikok bicaro, sikok diam teronggok dan idak sanggup bekato. Yang sikok nangis melulung minta keluar, yang sikok senyum-senyum mengangguk setuju apo kato orang. Sikok bilang idak elok beperilaku kek gini, sikok masa bodo. Lagi aku pening siapo aku sebenarnyo, apo aku sebenarnyo. Apo sayang berarti harus puro-puro bahagio walau raso hati tecekek?
Kalau sikok bekato melok bae, sikok sedang nulis raso gelisah waktu mandang diri yang semakin lamo semakin kabur bentuknyo. Jambi ko tempat keluargo dengan kasih aku bediam, tapi kadang aku takut, apo cinto harus aku tukar kemanusiaan?